- إن عمل مهما عمل متعوس وخايب الأمل

- إن كتمته فى الحشا ضره وإن شكيته فى العدا سره

- إيش بعد الكتير وبعد ما كنا صبح القليل يجبر بخاطرنا

- بدوى مجروح لقى نمر مطروح قال فين أروح

- بيحط على الغلبان لما يستعجب القوى

- بك هم وإلا أزيدك

- جيت أغير البخت ما تغير أتارى قليل البخت متحير

- جيت أبيع الكتان ماتت النسوان وجيت اتاجر فى الحنه كترت الاحزان

- جيت أبيع الحنه كترت الأحزان ، ورحت أعمل مسحراتى قالوا راح رمضان

- جواب النحس على طرف لسانه

- الخايب زى بياع الباذنجان ما يهاديش صاحبه إلا بالسوده

- رحت للحوايه حوتنى ورحت لأم اربعه واربعين قرصتنى  ( الحوايه = الحيه ) ( حوتنى = حمتنى )

- على ما جت الحزينه تفرح ملقتلهاش مطرح

- على بخت الحزانى هدوا الخزانه

- غيرت بخت والبخت ما تغير والله قليل البخت متحير

- قليل البخت يلقى العظم فى الكرشه

- قليل البخت يعضه الكلب فى المولد

- كل ما تقول يا حظ إتحسن يقولك يحنن

- كأنك يا بو زيت ما غزيت

- كاننا يا بدر لا رحنا ولا جينا

- كل النوايب نابت فرج لما فرج صُرمه خرج

- يا ما فى الحبس مظاليم