أمثال عن القسمه والنصيب

- الهم فى الدنيا مفرق

- إللى له عمر ما تهينوش شدة

- إللى لقى بخته خرى تحته

- إجرى يا بن آدم جرى الوحوش غير نصيبك يابن ادم لم تحوش

- إدينى عمر وارمينى البحر

- ابن يومين ما يعيش ثلاثه

- بين الفرج والديقه قد الدقيقه

- تبقى فى حنكك وتقسم لغيرك

- تكون فى ايديك وتقسم لغيرك

- الحذر ما يمنع قدر

- الخيره فى الواقعه

- الدارج دارج ولو مشيت عليه النوارج

- ساعة القضا يعمى البصر

- العمر واحد والرب واحد

- الغلب ماهوش عيب لما القضا اتحكم واتسلطن ابن الندل فى الاصيل واتحكم

- كل شىء قسمة ونصيب

-  مسير الحى يتلاقى

- هو حد يفر من اللى له ؟!

- يكون لك ولا يكون عليك

- يا وارث مين يورثك ، يا حى مين يبقيك