- اللى يخاف من العرسة ما يربيش كتاكيت
- زى الجمل ما يبعبعش .
- زى التيس .
- خف على بهيمك يطول عمره .
- الحلابه ولا الدق فى العجول .
- آدى الجمل وآدى الجمال .
- يسيب الحمار ويعض فى البردعة .
- اركب المطيه يا عطيه
- كركور وريحته سمك
- كل طير متعلق من عرقوبه
- اللى يبيع الجمل ما يضورش على إيراده
- ده قطته جمل وبراغيته رجاله
- غار الجمل بما حمل
- الناقه العويله سلبتها طويله
- اللى ما يقدر على البقره وعليقها يخلى من طريقها
- البقره لما تقع تكتر سكاكينها
- لو الكلب يشوف حاله ما كانش يهز ودانه
- لو غسلوا الكلب بملح وكمون ما ينسى الهبهبه ولا نومه فى الكانون
- الكلب ما يعضش فى ودان أخوه
قال ادخل الزريبه نقى لك كلب قال : كلهم كلاب ولاد كلاب
- ديل الكلب لم ينعدل ولو علقت فيه قالب
- جبت الديب من ديله
- النعجه بتولد خروف والكلبه بتولد الوف
- معزه قايمه ومعزه نايمه
- جزره قطمها جحش
- حمارتك العارجه تغنيك عن سؤال اللئيم
- ما قدرش على الحمار جاى يقدر على البردعه
- قوله حاه تلم حمير الكل
- ما تاخد من الحمار الضعيف إلا الزراط القوى
- زى أكل الحمير فى النجيل لا الحمير بتشبع ولا النجيل بيخلص
- موت يا حمار على ما يجيلك العليق
- لما يشبع الحمار يبعزق العليق
- لولا موت الحمير ما كانتش الكلاب شبعت
- الكتكوت الفصيح من البيضه يصيح
- قالوا للديك صيح قال: كل شىء فى أوانه مليح
- الدهن فى العتاقى
- الفرخه الجعانه تحلم إنها فى سوق الحب
- الفرخه تقول كاك والديك يقول كوكو كوكو
- دود المش منه فيه
- زى الرهوان