يا ابو ضحكه جنان ( حسين السيد )
يا ابو ضحكه جنان مليانه حنان
اضحكها كمان .. وكمان وكمان
يا ابو ضحكه جنان
خليك فرحان واضحك على طول
لك ضحكه جنان شىء مش معقول
بتشوفها الروح عمرها بيطول
وتخش القلب مع الف رسول
لها صوت بيقول انا مش مسؤول
لو حد تحير او بات مشغول
واضحكها كمان .. وكمان وكمان .. يا ابو ضحكه جنان
ضحكتك الحلوه شوف رايحه لفين
نطقت فى خدودك على تفحتين ولاول مره بتشوف العين
الفاكهه بتطرح على عود ياسمين
والروح والعين تاهو الاتنين
الاقيها يا قلبى منين ولا منين
واضحكها كمان .. وكمان وكمان
الدنيا بحالها فيها ايه لو امان
غير قلب حنين يجمع خلان
على ضحكه تنور ليل الحيران
والنبى تضحكها يا ابو ضحكه جنان
قلبى الولهان محتاج لحنان
املى له يا روحى وخليه عطشان
واضحكها كمان وكمان وكمان
يا ابو ضحكه جنان
أحدث التعليقات