اسكندرية فى رمضان من اعمال : عثمان بحور (عضو رابطة الزجالين – اسكندريه)

95 رد to “اسكندرية فى رمضان من اعمال : عثمان بحور (عضو رابطة الزجالين – اسكندريه)”

1. محمود الشايب قال:

   23 مارس 2009 عند 7:53 ص

   بسم الله الرحمن الرحيم

   أولا أنا باشكر الأخ / جمال على رعايته للزجل والشعر ؛ وعلى فكره أنا ما بعرفش أكتب شعر لكن بأتزوق الكلمه الحلوة ، وفيه واحد صاحبى قالى إن فيه موقع جميل بيجمع الزجل والأمثال الشعبية ، فوصلت إلى موقعكم القيم ،واخترت ان أعلق على قصيدتكم الجميلة (اسكندرية فى رمضان ) فهى فعلا قصيدة جميلة وتستحق التعليق وشكرا يا جمال على كل جمال
2. احمد السبكى قال:

   24 مارس 2009 عند 12:40 ص

   إلعبوا غيرها قصيدة للشاعر السكندرى عثمان بحور
   إلعبوا غيرها
   يا أهل الفتنه إلعبوا غيرها ـــــــــــــــــــــــــــــــــــ مصريتنا لسه بخيرها
   إلعبوا غيرها بس بعيد ــــــــــــــــــــــــــــــــــ هنا فى بلدنا الوحده حديد
   طول عمرنا عايشين إخوان ـــــــــــــــــــــــ على أرضنا فى سلام وأمان
   من صغرنا أحباب وجيران ــــــــــــــــــــــــــــــــــــ مسلم قبطى كالبنيان
   لابنميز بين أديان ـــــــــــــــــــــــــــــــــــــــ ــــــــــ ولا بنفرق بين أوطان
   لاف إنجيلنا ولا القرآن ـــــــــــــــــــــــــــــــــــ ــــــ آيه تشجع ع العدوان
   لازم نفهم إننا أهل ــــــــــــــــــــــــــــــــ ــــــ وـلا نسمعش كلام الجهل
   ومعنى كنيسه فى وش الجامع ــــــــــــــــــ إن الوحده دى نجمها لامع
   مش معناها نلقى مدافع ــــــــــــــــــــــــــــــــ أو حراس م الأمن تدافع
   ياللا نحافظ على أوطانا ـــــــــــــــــــــــــــــــــــ ولا نديش فرصه لأعداءنا
   ياللا نعلم سوا أجيالنا ـــــــــــــــــــــــــــــــــــــ معنى سماحة روح أديانا
   ياللا نقولها سوا ونعيدها ــــــــــــــــــــــــــــــــ ياأهل الفتنه إلعبوا غيرها
3. gamal قال:

   24 مارس 2009 عند 6:33 م

   شكراً يا استاذ/ أحمد والقصيده رائعه ومعبره ….
   تحياتى …..
4. يوسف مجمع قال:

   27 مارس 2009 عند 2:52 م

   مع اجمل هذه الكلمات التى تزيدينى شوقا فى كل مره الا ان اقول كلمه واحده تسلم على ماقرات وحقيقى الموضوع اجمل من رائع تقبل مرورى ولك من تحيه وانتظر منك الكثير والكثير منك استاذ عثمان ابو نور يوسف مجمع سيدى بشر
5. السيد الفرماوى قال:

   28 مارس 2009 عند 8:02 ص

   ما شاء الله القصيدة حلوه وربنا يوفقك .
6. ام هيثم قال:

   28 مارس 2009 عند 4:28 م

   قصيدة حلوه ومعبره، وشكرا على حسك الراقى .على فكره انا إسكندرانيه.
7. محمد قال:

   31 مارس 2009 عند 4:49 م

   بارك الله فيك و فى شعرك ونتمنى المزيد من النجاح و الامتاع الشعرى
8. صبوحة مجمع قال:

   7 أبريل 2009 عند 10:10 م

   بصراحة مش جديد عليك يا عثمان الحلاوة دى ربنا يحفظك
9. السيد المغربى قال:

   12 أبريل 2009 عند 7:41 ص

   الشاعر ده بصراحه عشره على عشره ، واحساسه بوطنه العربى عالى جدا وكان كاتب قصيدة للصحفى العراقى ( المنتظر ) ، ومن حب تلاميذه له علقوها على الجدران عندنا فى بحرى برغم ان مدرسته فى سيدى بشر ، ودى كلمة حق انا باقولها وكل واحد ياخد حقه مكافأة على إحساسه بقضايا وطنه ، وشكرا للمسؤولين عن هذا الموقع الذى يحافظ على التراث الأدبى العظيم .
10. gamal قال:

    12 أبريل 2009 عند 9:58 م

    نشكرك يا أستاذ: السيد المغربى على كلمتك ونرجوا أن نكون عند حسن الظن دائماً .
    ادراة الموقع ..
11. مجنون الاتحاد قال:

    19 أبريل 2009 عند 9:27 م

    تعالوا نشوف أحلى كلام وأجمل دعاء لطه بصرى من كلمات الشاعر عثمان بحور من خلال قصيدة (أهل الثغر ) اللى نشرت بجريدة الاتحاد السكندرى

    أهل الثغر ــــــــــــــــــــــــــــــــــــــــــــــــــــــــــــــــــــــــــــــــــــــــــ
    ياأهل الثغر قولوا يارب ــــــــــــــــــــــــــــــــــــــــــــــــــــــــــــــــــــــــ
    إشفى بصرى وزيل الكرب ـــــــــــــــــــــــــــــــــــــــــــــــــــــــــــــــــ
    ولاتجعل فى طريقنا مطب ــــــــــــــــــــــــــــــــــــــــــــــــــــــــــــــــــ
    ولاتحرم الأخضر م الأب ـــــــــــــــــــــــــــــــــــــــــــــــــــــــــــــــــــــــ
    علشان بصرى ده أصل الحب ـــــــــــــــــــــــــــــــــــــــــــــــــــــــــــــ
    وهديه وجاتلنا م الرب ـــــــــــــــــــــــــــــــــــــــــــــــــــــــــــــــــــــــــ
12. gamal قال:

    20 أبريل 2009 عند 9:13 م

    يارب يا خويا يارب……………..
13. ابن القبارى قال:

    20 أبريل 2009 عند 9:18 م

    يارب يشفى كل مريض ، وادعولى ربنا يشفينى ويجعل دعواتكم لى فى ميزان حسناتكم . وشكرا على طيبة قلب صاحب هذه الكلمات ، واحساسه بالمرضى .
14. gamal قال:

    20 أبريل 2009 عند 9:35 م

    اللهم اشفنا ومرضى المسلمين أمييييييييييييييييين
15. السيد المغربى قال:

    1 مايو 2009 عند 11:51 ص

    ودى يا جماعة قصيدة المنتظر جبتها لكوا من على موقع على النت

    المنتظر

    تسلم إيديك يا منتظر يا ابن الوحوش

    خليت شعوبنا تنتصر وما يناموش

    ورسمت بسمة الأمل على الوشوش

    وأهنت بوش اللى قتل أغلى الوحوش

    وهزمت وحدك يا بطل قائد الجيوش

    آسف ده قصدى يا بطل قائد الهاموش

    واللى يقولوا غير كده ما بيفهموش

    عايزين يدوم الإفترا ولا يعدلوش

    ولو نحرر أرضنا ما حينهبوش

    خيرنا ومالنا ونفطنا فى ظل بوش

    وياريت حذاءك يا بطل ده كان شاكوش

    دغدغ دماغ إبن الحمل إبن الجحوش

    علشان يعيد تانى النظر ولا يحسبوش

    إن الكلاب ساعة القدر تقدر تحوش
16. احمد جمعه قال:

    11 مايو 2009 عند 9:58 م

    خساره فيه التعبير ( إبن الحمل ) لأن معنى الحمل فى اللغة العربية هو الخروف الرضيع الوديع ؛ والقاتل المغتصب ليس وديعا ، ولكن على كل حال القصيده لها هدف سياسى واضح مع إنى ما باشجعش العامية .
17. احمد حسن قال:

    30 مايو 2009 عند 4:31 م

    جامدة يا رمان يا مشرفنا يا بن الحضرة البحيرة وسيبك انتي الاتحاد سيد البلد واتدحرج واجري يا رمان
18. ابراهيم الخواجه قال:

    5 يونيو 2009 عند 10:56 م

    أنا إسمى إبراهيم الخواجه ، لكن أبويا مصرى إسكندرانى وم الحضره البحريه ، ولما عرفت إن الشاعر عثمان بحور م الحضره البحريه فرحت بيه أوى ، والحاج قاللى إنه إسمه الدلع (رمان ) وكان ساكن فى شارع إبن نصر من حوالى 30 سنه ، وعلى فكره كلامه عن اسكندريه كلام جميل وما يختلفش عنه إتنين ، وربنا يديله الصحه وطولةالعمر 0
19. محمد عبد النبى قال:

    9 يونيو 2009 عند 10:11 ص

    انا تلميذ فى مدرسة عطية الزعيرى وبحب الأستاذ عثمان عشان راجل طيب وكلامه حلو
20. احمد عبد الرازق حنفى قال:

    10 يونيو 2009 عند 11:58 ص

    الله ينوّر وخلاص رمضان قرّب وياريت يكون فرصة نقرب فيه من ربنا وربنا يغفرلنا ويزيل الكرب عن أمة الإسلام .
21. سعد الاسكندرانى قال:

    16 يونيو 2009 عند 1:44 م

    دى قصيدة للشاعر عثمان بحور بمناسبة مباراة مصر والبرازيل
    حظ ماريكا
    ياعالم أنا فرحان بولادنا الفرسان
    بعيد وأبو تريكه وابن حسن وزيدان
    بالعزف والمزيكه و شحاته الفنان
    اللى رسم تشكيله تشرف الإنسان
    ولولا حظ ماريكا ولمسة الغرقان
    لعيشنا أعظم ليله وكاكا بات زعلان
22. gamal قال:

    16 يونيو 2009 عند 4:09 م

    أشكرك يا أستاذ سعد وتم نشرها فى الحال لاستاذنا الكبير
    تحياتى ………..
23. سعد الاسكندرانى قال:

    17 يونيو 2009 عند 6:26 م

    كل الشكر للأخ جمال على ذوقه الراقى ورعايته للأزجال والأدب الشعبى وصدقنى موقعكم موقع محترم .
24. خالد قال:

    21 يونيو 2009 عند 2:27 م

    برازيلكو كانت بداية ولسة كمان وكمان
    شوفت اللى جرى لأيطاليا ولسه امركا كمان
    ويمكن الفرح يعرف سكة قلوب بقالها زمان
    بتحلم بحاجة..اى حاجة تفرح الحزنان
25. محمد على قال:

    22 يونيو 2009 عند 4:07 م

    أنابقى يا سيدى جايب لك قنبلة من موقع على النت اقرا وقولى رأيك قصيدة (كتر خيرنا )بمناسبة هذيمة المنتخب المصرى أمام أمريكا
    كتر خيرنا
    كتر خيرنا جيبنا آخرنا
    وان ماعجبش روحوا شوفوا غيرنا
    شرفناكم يوم برازيلنا
    ومع إيطاليا كان يوم عيدنا
    ومع أمريكا خدنا نصيبنا
    واوعوا تقولوا إننا عجزنا
    ولاتقولوا إننا هلسنا
    قولوا تعبنا وعين وصابتنا
    لاجل تحافظوا على كرامتنا
    وسمعة مصر ومصريتنا
26. gamal قال:

    22 يونيو 2009 عند 4:54 م

    كتر خيرك يا استاذ محمد
    ربنا امر بالستر
    وكتر خيرهم
    جميله…………..
27. محمد على قال:

    22 يونيو 2009 عند 6:45 م

    على فكرة يا أستاذ جمال قصيدة كتر خيرنا دى برضه للأستاذ عثمان بحور منقولة من منتدى جماهير الاتحاد وللأسف أنا نسيت أذكر ذلك وهذا إحقاقا للحق .
28. gamal قال:

    22 يونيو 2009 عند 8:39 م

    استاذ محمد للآمانه أنا أنقل أو أنسب الموضوع لصاحبة وأشكرك لتنبيهى حتى أنسبه لاستاذنا وأنا كنت حاسس انها كلماته الجميله
    وبالمناسبه أدعوك للمشاركه بالموقع حيث تنشر أعمال استاذنا الكبير أو غيره
    فتقبل دعوتى وأخيراً اشكرك على اهتمامك بمجال الادب الذى يتذوقه المثقفون والمبدعون
    لك منى أرق التحيه
    جمال حمزة
29. احمد ناجى ابو هلال قال:

    27 يونيو 2009 عند 6:15 ص

    ان مش متفق مع الشاعر هذه المره لأن اللاعبين اخطأوا وكان لازم يكتب ويبين خطأهم ولا يدافع عنهم ويزود غرورهم وهذه هى وجهت نظرى وعجبى
30. مرعى قال:

    28 يونيو 2009 عند 11:36 ص

    يا استاذ ناجى الظلم حرام وكل اللى حصل ان رجالتنا تعبت لأنها على أد حالهاوان شاء الله حيوصلوا كاس العالم واخيرا الاهلى حديد
31. سعيد ( مجمع الكليات ) قال:

    29 يونيو 2009 عند 8:05 م

    ما أروعك يا مشرف التربية
32. اسلام محمد عماد قال:

    4 يوليو 2009 عند 3:57 م

    أنا بحيي مستر عثمان بحور وبحب أشعاره قوى وأنا كنت تلميذ فى مدرسة مجمع سيدى بشر وكنت أنا وزملائى بنحب دايما ناخد قصايده ونصورها ونحتفظ بيهاواحنا دلوقتى بنتابع أشعاره فى الجرائد وبشكره لانى استفدت منه كتير لانه مدرس رياضيات شاطر قوى
    ربنا يخليه لنا
33. إبراهيم الخواجه قال:

    17 يوليو 2009 عند 2:55 ص

    إيه يا جماعه ما حدش عارف يجيب لنا قصيده جديده من قصايد هذا الشاعر أبو دم خفيف !!!!!
34. مجدى الصاوى (بالبترول) قال:

    17 يوليو 2009 عند 7:30 م

    والله الشاعر ده كلامه روعة وأشعاره دايما بتساير الاحداث وفيها واقعية ومصداقيةوأنا بتصفح موقع المصرى اليوم لقيته كاتب تعليقاعن الشهيدة مروة من خلال أبيات أعجبتنى أوى اسمحوا لى انى أنقلها لكم:
    الجانى خايف تبقى أخته مروه
    وتدارى راسها وتدارى عوره
    وف يوم حجابها ده يبقى عدوى
    يعدى العرايا أو يهدى فاسده
    فراح قتلها قدام عيالها
    ولا همه قاضى ولا همه حالها
    وكل الحكايه خوف من حجابها
    وفى أى لحظه يعدى أخته بره
    وتعيش شريفه الماظه حره
    وما فيش جريده تنشر خبرها
    ويقولوا مره حد إغتصبها
    ولاشوفنا مروه سكرانه بره
35. الخواجه قال:

    22 يوليو 2009 عند 10:42 م

    حسبنا الله ونعم الوكيل، وبصراحه القصيده اكثر من رائعه
36. فرج العربى قال:

    5 أغسطس 2009 عند 9:43 م

    هو فيه أجمل من حجاب المرأه دا حتى صور السيده العذراء،تظهرها بغطاء الرأس. وعلى كل حال القصيده ممتازه وأستأذنكم فى نقلها لمواقع أخرى تضامناً مع حملة شهيدة الحجاب.
37. مريم العبادى قال:

    7 أغسطس 2009 عند 8:55 م

    ربنا يرحم اموات المسلمين والمسلمات، واختنا مروة فى الجنة يارب والكلمات روعه شكرا لمن نقلها.وشكرا لمن كتبها……………….
38. حسن الشهير بإبن القبارى قال:

    16 أغسطس 2009 عند 1:40 م

    أنا لسه طالع من المستشفى امبارح بس .والمنتدى بتاعكم وحشنى و عاوز اقول لكم كل سنة وانتم طيبين وعاوزكم تدعوا لى فى صلاتكم ان ربنا يعفى عنى انا وكل مريض ورغم انى فوق السبين لاكن بحب اتابع الكلام الحلو والزجل وعلى فكره الحكومة كتبت اسم الشهيدة مروة الشربينى على شارع من بتوعنا هنا فى اسكنية.
39. الشاعر السكندرى /محمد عبده قال:

    26 أغسطس 2009 عند 11:33 م

    أحييك يا أستاذنا الكبير على إبداعاتك فى المصرى اليوم بتاريخ 25/8/2009بالصفحه الرئيسيه السكوت ممنوع وقد كتبت لك تعليقاً وللأسف لم يتم نشره.
40. محمد على قال:

    30 أغسطس 2009 عند 7:40 م

    إلى صديقنا إبن القبار—-ياريت تترك عنوانك لأنى عايز أزورك ،وتذكر يا أخى إننا إخوات فى الإسلام وربنا يارب يشفيك وكل سنه وانت واسرة منتدى أزجال بخير وشكر خاص للشاعر الكبير جمال حمزه.
41. gamal قال:

    30 أغسطس 2009 عند 10:56 م

    أحييك على اخلاقك وخلقك الكريم يا استاذ / محمدعلى وربنا يشفى مرضانا ومرضى المسلمين آمين….. وكل عام وأنتم بخير وصحه وسعاده
42. فائق بحراوى السيد قال:

    3 سبتمبر 2009 عند 5:01 ص

    بعد صلاة الفجر كنت ابحث على جوجال عن مقاله بخصوص اسكندريه فوجدت اسكندرية فى الشتاء ،واسكندريه فى رمضان ،فشدنى العنوان لأنى فى زيارة للاسكندريه فى رمضان واشكر الشاعر السكندرى على أحاسيسه المرهفه وقصائده السلسهوكل عام والشعب السكندرى بخير.
43. مدحت محمد قلسم قال:

    4 سبتمبر 2009 عند 10:36 م

    كل سنه وأسرة المنتدى بخير والاستاذ جمال بصحه وعافيه
44. gamal قال:

    4 سبتمبر 2009 عند 11:26 م

    كل سنه وانت طيب يا ا/ مدحت
45. مواطنه سكندريه قال:

    12 سبتمبر 2009 عند 12:27 م

    بصراحه قصيدة جميله وحققت إنتشار فائق على النت واسكندريه جميله وزى ما بقولوا ام الفنوووووووووون.