نوفمبر 292009
هو الواد البايخ الغتت
اللى لازم يلعب كل الماتشات..
رئيس تحرير صحيفة مابتتقريش
لأنها من صحف المهرجانات..
هو اللى دخل كلية الشرطة
عشان ماما قالت له
ها تبقى أمّور أوى ف بدلة الظباط..
ودخل مجلس الشورى بقرار من أسياده
بعد ما مسح البلاط..
ودخل الوزارة اللى فى عهده
مصر الجميلة بقت شوية عشوائيات..
هو شيخ مشايخ الفضائيات..
يحلل الهشك بشك
ويحرم تعليم البنات..
هو الواد اللى دايما ف السليم
بالقانون والورق والمستندات..
عشان كده
بينام وبيشخر وبياكل كويس
وأطفال مصر بتلم تبرعات..
يمكن تلاقى سرير
فى مستشفى السرطان
أو تستنى الفرج قدام البوابات..
هو صاحب الكورة
اللى كل ما يكبر كرشه
تضيق عليه البدلة
يتحبس الخياط..
أحدث التعليقات