إمسك خنزير من أعمال : عمر مرسى

إمسك خنزير

فايت ف مدان التحريــــــــــر شايف لّمـــــّـــــــه وخلق كتير

ناس عّمّاله بتـجري وتصرُخ حّلّق حوش امسك خـــــــنزير

الناس سمعِت إسم المــُــجرم جِريّت ومن الخــــــوف بتطير

خايفيين ياخدوا الأنفلونـــــزا لو قّرب منهم خنزيـــــــــــــــر

والخنزير كان خايف منــــهم بص وشاف الخوف بعيونـهم

كّشر..زمجّر..قّرب منـــــــهُم والناس طِلــــــعت تجري كتير

الخنزير بيهّز ف ديلـــــــــــه شاف صُبحِيه اسود من ليلـُـه

حاسس إن الموت حايجِيلـُــه مش عارف إيه التدبيــــــــــر

واحد واقف شاف الحالـــــــه صعبه ومش محتاجــــه قواله

نّط بسُرعه وجاب لُه زبالـــه خّلاّها قصاد الخنزيــــــــــــــر

والخنزير قام ياكُل فيهـــــــــا ويلِم شويه يخبّيهـــــــــــــــــا

قال لك يمكن حافطر بيهــــــا ومعاها شويــــــــــــة جرجير

مالحقش الخنزير يتهنـــــــي جَتْ لُه رصاصه وونت ونّـــه

خدها ومدد جنب مشنــــّـــــه والزبـــــال شال الخنزيــــــــر

عاوزين دايما نـاخد بالنــــــا من صحتنا ومن أحوالنـــــــــا

ونحَّصّن مصر ام الدنيــــــــا ونقول ان المصري بخيـــــــر

عمر مرسي أحمد – الإسكندريه
Email:mourry777@yahoo.com