الغريب
غريب وسط الديار ســـــــاير فقير الحــال مالوش صاحب
بيتعكز يدوب يــــــــــــــمشي [...]

مراتى طلبت منى خروف
شكله جميل حلو ومعلوف
قرنه يكون ع التانى ملفوف
قد خروف جارتى أم رؤوف
أو اكبر منه شويه
***
قلتلها أنا اجيبه منين
طلباتك ع الراس والعين
أنا جيبى مافهوش جنيهين
ولا حتى نص وربعين
وبرزتين م الفضية
***
أنا قلتلها يا أم وليد
بطلى زغد ومد الايد
بطلى شخط مع التهديد
أدى رقبتى ياست فداكى
واعتبرينى خروف العيد
وادبحينى بحنيه

سلامات يامواطن
أهلا يامواطن سلامــــــــات القطر عليك عدي وفـــــــات
ولَّقْيت نفسك قاعد ساكـــت وحاتسكت كل الأوقـــــــــات
إسم مواطن موضه قديمـــه مبقاش يتقال غير ف السيما
زي الهلاهيل ملهوش قيمـه وقرينا عليه الفاتحه ومــات
ياخسارة تَعَبْكْ يامواطــــــن تِشْقيَ وتَعَبْك راح بالبــــاطن
بيقولوا عليك فلته وفاطـــن وبتفهم شغل الباشـــــــــوات
لا طْلِعْت بتفهم ولا حاجــــه وعيالك حواليك محتـــــــاجه
دّوَرْ علي رف ف تلاجــــــه قبل ماتملاها الأمـــــــــــوات
أو [...]