الشــــاطئ البعيد
بقلم : م / م.ر. أباظه
حبيبتي
يا بسمة اللهفة على
شفايف طفل شاف أمه
ياصدرها الدافي يحن عليه
يبدد خوفه ويضمه
ياحبها الصافي ينور كل أيامه
يشيل همه
يابلسمه الشافي يداوي
قسوة الأيام
يخفف جرحه ويلمه
أنا …. مشـتاق
مشتاق أسافر في بحر عيونك الحلوة
ومابدورشي على مينا
ونسمة شوق تحرك
شراع الحب في قلبي
وانا وانتي عن العشاق
نكمل أحلى حكاوينا
على نغمة لطير شارد
يناجي بالهوى وليفه
ولما وليفه يرد عليه [...]
عمرى ما كنت أتصور
إنى ف يوم …
أسمع منك
كلمة لوم …
وتقوليهالى …
وعينيكى موش
بصالى …
لجل ما أصدق
إنك فعلاّ
إتغيرتى…
وإنك دلوقتى
اللى إخترتى …
وأرجع تانى
وأقولك
للمره المليون …
إنى بحبك
ولوحدك
من وسط
ألوف …
إنتى إخترتى
ده قرارك …
بس أنا عايزك
تبصى بعينك …
على أوتارك …
هتلاقى
عليها كلامى …
هتلاقى
أجمل ألحانى …
هتلاقى
الاّهــــــه …
طالعه
من قلب متاهه …
بتجرى عليكى …
جايالك
بتقولك
ما تبكيش …
خلى الدمعه
ليا …
خليها جوه
نن عينيا …
وعليكى .. أبداّ
متعديش …
إيه
إيه يا [...]
جت اللحظه
اللى فيها قلقى عليكى
يبقى جريمه …
عمرى ماكنت أتصور
إن دمعة عينى
عندك
مالهاش قيمه …
أو لهفة قلبى عليكى
بالنسبه لك
تبقى عديمه …
لسه الأيام
شايلالنا حاجات
لسه الأيام
هتورينا …
هتعلمنا
درس جديد …
فيه الحرف
ياخدنا بعيد …
عن
أراضينا …
درس كلام..
درس غرام..
درس يبكى
كل مافينا …
أحدث التعليقات