البت باتعه… بنت زيد عبد الصبور
اللي أمها يوم عرسها
كان عفشها… حلّة وبابور
ومعاه كمان صندوق خشب
كان أصله سحارة صابون
فيه بنستين والمكحلة
ومراية والفلاية والملقاط
وحجر وليفة ومبخره
وقزازة كان فيها البخور
وجوز صحون
ومنٍخُلين..
والطشت والقروانه والغربال..
ومقشّه ليف…
ومقشتين عرجون
وزير وزلعة وقلتين وماجور
وحصيره من سوق التلات
ولحاف بإيدها منجداه
ومخدتين
والوش كان دمُّور
في الانفتاح
علي رأي صاحبي ولانبطاح
وفتحنا مصر سداح مداح
ونسينا حي علي الكفاح
والشعب محكوم بالسلاح
اتلخبطت كل [...]

يا مخو فين الناس
بخوفكوا و عجزكوا
ياللي البوليس و المُعتقل
لغة التحاور عندكم
و مكممين كل الشفاه بالبلطجه
و بأمن يحمي أمنكم
و مكتفين الشعب .. كل الشعب
بحبال وهمكم
بأعلى صوتنا باقول لكم
لو تسمحوا من فضلكم
نسأل سؤال
هل فيه سبب للأعتقال؟!
مع اننا ناس معروفين
و كبار رجال أعمال
و ظننا طول عمرنا
قدام عنيكم من زمان
و بترصدوا كل الكلام
فى الهاتف الارضي و فى الجوال
و بترصدوا [...]

مادام اللعب ع المكشوف
في نص الليل لقيت تليفون
بيطلبني وبيقول لي
أنا ف ورطه يا عم وحيد
وقبل ما اسيبه كالعاده
يعيد ويزيد
لقيت نفسي
باقول له: خير يا عم أمين
فقال: الخير حييجي منين
دريت باللي حصل ليا
كانت شوره ماهيش هيه
صحيت الصبح من نومي
ونايم كنت بهدومي
علي الدنيا اللي مقلوبه
عشان كام كلمة مكتوبه
وقدام ,بيتنا حتة دين عربيه
وناس ياما ومن آخر البلد جايه
ومجموعة أفنديه.. [...]