البيض ماعادش يفرِح
حتى ف شم النسيم
هيّ الفراخ فراخك
ولاّ من أورشليم
……………………
من حاره دخلوا اليهود
دخلوها على فرض وجود
والمفروض ماهوش سُنه
والسُنه تحتاج تأكيد
والتأكيد م الناحيادى
(واحد اتنين حادى بادى )
انت وجودك مش عادى
بتربى طفلة انابيب !!؟
وف اوسلو طالب مشاريب
من اوسلو عايز تسلو
واى ريفر جمّع نسله
ح تعدى على الناصرة
ياخدوا عزاك فى البصره
والبصره حانه حانه
رقصت فيها مرجانه
للأعشى وابو نواس
شربوا الماضى فى [...]

 
حسنه وانا سيدك
اخر مفاسيدك
قايمه عليه الحد
وتاركه سبت وحد
ومقطعه خدودك
ومعريه نهودك
باب العزيز مفتوح
وبيأوى ساعة الجوع
وشرفتك عاليه
وصحبتك مايله
نازل معاكى لتحت
ومعلمانى الفحت
ومطفحانى الكيل
من قبل ما اصلب حيل
طالع وحيد م الجيش
بكشف عيله وفيش
وبـإمضة العمده
ولسانى فيه زايده
رقصت على ( عايده )
من قبل ما جدى
يرقص فى بحر النيل
ويقول عليا عويل
وتقوووول معاه جدتى
قارشه كمان ملحتى
أهرب فى بطن الحوت
(يونس) مع الملكوت
(موسى )فى حضن [...]

علمنى يابا العبريّه
بالفصحى ويا العاميّه
الصوره مش واضحه شويّه
فى العتمه زى الضُهريّه
*****
ماتقولش أبجد ولا هوّز
القطن عمره ما هيلوّز
وان كنت للون هاتبوّز
شالوم عليكم وتحيه
*****
صبّحنى على فحل حراتى
مسينى على عدس ليلاتى
بخرنى بالحكم الذاتى
ح سلمك دقنى هديه
*****
سلّم لى على طنط اميركا
وانزلّ لّى سامبا أو جيركا
واكشف لى عن اْخر التركه
ايه اللّى فاضل ياعينيه
*****
شغلّلى جاكسون على دونا
بدللّى (ثــــومــــه ) بمادونا
معلون ابوه [...]