صدفة التقو بعيونها عيوني
وع البيت من غير وعد عزموني
وقلبي فلت مني وسبقني وطار
ومدامعي ع الدرب دلوني
ولحقت قلبي وعملت مشوار
عبساط جانح ريح مجنونة
ومن غيرتي عليها خيالي طار
وتحارب جنوني مع جنوني
وصلت ولقيت القلب محتار
والعازمتني مقدرة فنوني
أحلى ما إيدي تحترق بالنار
عبابها دقيت بجفوني
وسمعت صوت بيشبه الأوتار
حرك شعوري وفيق ظنوني
وقالت يا أهلا ودخلت ع الدار
وعيونها بديو يحاكوني
وإيدين متل الشمعتين [...]
قالت بحبك
بس حب جديد
ممنوع تلمسنى
لمس بالإيد
قلتلها اللى
بيزرع الكرمات
مجبور منها
يقطف عناقيد
قالت عند ما
بتقشع العنبات
غض النظر
وتفرج من بعيد
قلتلها بعنقودك
الحبات
ما بتركن غير
ما يصيرو نبيد
قالت أنا نحلة
من النحلات
لا غش فى
عندى ولا تقليد
قلتلها الدبور
للعسلات
مش رح يوفرهن
ليوم العيد
قالت أنا بحبك
بلا غايات
قديش صرلى
هالكلام بعيد
لا تغرنى
ولا تكبر الفشخات
ما فيك تعمل
مثل ما بتريد
قلتلها يا
مسييجى الوردات
لو المى بدا
توقف عواميد
يما إسمحيلى
فرفك الجبقات
يما تركينى هيك
واغفينى
من حب لا [...]
أحدث التعليقات