الحقيقه إن الدويقه
               حته من مصر العتيقه
واللي قال قاعدين عواله
                لجل ما يشيلوا الخطيئه
برضه قال نفس الطريقه
               لما شاف الناس غريقه

مساكين يا أهل الدويقه

عشتوا ومتم فى ضيقة

كالعادة برضوا الحكومة

ها تكون منكم بريئة

****

يا نظيف ما تشوف طريقه

دى وزارة ولا سويقة

الشورى قادت حريقة

والصخرة هدت دويقة

صدقوا وقالوا حكومة نشاز
          سايبة الشعب يولع جاز
فجأة ف أول يوم رمضان
          رفعوا علينا اسعار الغاز
والله الكل دليله احتار
         والطوابير هاتزيد أمتار
من غير هيصة وأخذ قرار
             الأسعار هاتولع نار
مهما قالوا لنا وصوتهم بح
            مهما غنوا السح الدح
إن الشعب ده هيرحرح
           انتى حكومة تعكنن صح