عدت سنه
من قبلها كنت الولد
والقلب قادر ع المدى
يفرد جناح يوصل لآخر
منتهى الحلم المباح
يغزل شموس الاغنيات
رغم العتم ،
يطلع صباح
عدت سنه ، من .. بعدها
هبت رياح
فجأة الولد فيها أنكسر
والحلم أصبح مستباح !
**********
أتبدلت كل الخلايق والخلق
وانت وانا لحظة قلق
بيشدنا ليل الغرق
رغم اننا .. ع المفترق
لسه ف أول حبنا
لسه بنرسم .. قلبنا
لسه بنكتب أسمنا
لكن بنمسك وشنا
خوفنا ليسقط مننا
بايش [...]

أنا رغم الألم واقف ** وباتحدى انكسار الريح
حطام الحلم ف عيونى ** ولا بارجع لو أنى جريح
على باب الوطن جنة ** وجمر الشوق بيتمنى
لو أستشهد على أرضك ** وأسمك فوق على جبينى
فلسطينى
مبتبعشى ف أسواقكم ** ولا أسمى ف أوراقكم
ولو صوتى مسمعكم ** لكان الجرح جمعكم
أعاهدك والوطن غاية ** بيجرى عشق ف دمايا
أضم الجرح جوايا [...]