لامم وشوش الخلق ف جراب العبط
ناقش على توبى الفقير.. موَال
بلضُم سبح ألوان لخلق بتتمسخ
واحد ورا التانى …..
فانى
حلمكم ياهل العقول أحوال
دهشة عيون راميه البصر بُكره
ندهه السكك فارده القلوب ……
تنداس
أنا بالمقاس
ساكن عياقه مبين كُل البشر عُريي
متسمرين رجليّا فوق خد الرصيف
فتارين
ساعات تنخ وساعات … تلين
حلمكم يا اهل الكلام أحلى
فأنا إللى هايم وللا الخلق ويّايا
درويش وداير حلقة الأذكار
أخرج تفيض [...]