إن كان للنجم بلاد
إن كان له كمنجه بيعزف فوقها الأولاد
أو كان فى زمانه مغنى بيقطف من قلب الدنيا الأحزان
أنا بلدى أبعد من أى مكان
ولاليا كمنجه بيعزف فوقها نسيم
ولا عشت زمانى مغنى
غير يعنى وبس ف مره ..
طقت بين ضلعى الآه ..
قام قالوا عليا مغنى ..
بلدى أبعد من أى سحاب
وحصانى الأبنوسى بيرقص تحت القمر الأزرق
وبيرفع عينه لأعلى [...]
يا صاحبى يا صغير
زى نجم السما
زى حلم كان كبير فى الزمان كبير ..
وصار صغير
بسمتك زى الهلال وسط الجراح
عيونك صاحيه بتصور
أوصيك
تنسى الجراح
على سدرها تحلم ببكره تتصور
يا صاحبى يا صغير
ياللى واقف فى الفضا بترسم شكل بيت
ما حتسكنوش
وقمر فى السما ..
وحتى وهوه شايفك
ماحتعرفوش
واقف على باب الخيام
دبلان كما عود الدره
تمشى فى الليالى وتهرب من عيون ..
البسمه .. وضلة الأحلم
لا [...]
حبلوا ف سابع يوم .. مش تاسع شهر
وف كل جنازه ..
اتلموا جنب الميت ..
ولا شاوروا ف يوم ع البطن
يمكن كانت بنت .. ؟؟
لأ .. كان واد ..
كان عيل عمره ما راح الكتاب
لكن بيموت م الحرف
حبلوا ف سابع يوم .. مش تاسع شهر ؟؟
ولا شاوروا ف يوم ع البطن
يمكن كانت ليله ف حضن القهر
الخوف عيل ولدوه [...]
أحدث التعليقات