سمك ع البحر
ناس ع البر
داخل غزل غازلينو
سمك بجنيه
شبه ناسو اللي شاريينو
سمك فينو
سمك له ناس
أكيد غير اللي صايدينو
سمك في البحر
ناس ع البحر
فين مين يطبخ الاتنين
فيك مين يكتم الأسرار؟!
*****
أنا سمكة
وكانت قبل ما اخترعوا الشبك شبكة
ولما اصطادك الصياد
بقت سمكة
أنا وناصب فخاخ ليا
عشان اطلع بي م المولد
واصطاد مني راحة بال
أنا .. والمية .. والسنارة
والقعدة اللي مش ع [...]
كل عام وانت راجل ما فيش منّه خوفْ
متنّح
مصلّح قفاك للظروفْ
مسبّح بحمد الحرامي
اللي حامي النعاج والخروفْ
تعدّي عليك المحن وانت طيّبْ
قريّب ها تشرب لبن في الفطارْ
وطبعاً ها تلقى الغدا والفطارْ
وتلقى ف جيوبك مصاريف نهارْ
وتلقى الجدار اللي تسند عليه
وتلقى الحبيب اللي مادد إديه
وتسكر بضحكة عنيه
مش هزارْ
لعيد الضحية
هدوم الولاد الجداد والضحية
اللي عايز يجيب لحم عيد الضحية
الضحية
الضحية
الضحية
الخروفْ
كل عام وانت راجل [...]
أحدث التعليقات