سبع عجايب يا زمان..وآدى كمان أعجوبة..
مين لبسك عريان..
فى عز برد طوبة..
تصدرى الغاز ببلاش
وتدورى على أنبوبة..
وتنورى الخرابات..
وتباتى مخروبة..
والدنيا تجرى.. وتجرى
وإنتى واقفة ف مكانك بتبكى
وبتحلمى بزقة..
يا زوبة..
الله يرحمك يا خالتى أم سعيد..
كانت تكشف راسها للسما
وتدعى ع الخضرى
روح..
إلهى تنشك فى قلبك يا بعيد..
عشان قبل ما يوزن
ما كانش بيمسح كفة الميزان..
يا ترى
لو كانت لسه عايشة
وشافت وطن بحاله بيتسرق
روح..
وطعم..
وعنوان..
كانت [...]
أنا حاسس إن الموت
ما خدش منك غير الطرحه
والجلابيه السودة
ما أنا كل ما عدى جنب الاوضة
أسمع صوتك
وأنتى بتضحكى ع الدنيا
وبتدعى لى
روح
ربنا معاك
هاتسافر
وهاترجع مجبور الخاطر
وهستناك
طب إسندى على كتفى
بكره تقومى
بكره تخفى
عارف مين يا بنى بيقع ويقوم
أوعى تدور ع الدفا
فى فلوس وهدوم
ومتنساش تحوش شوية أصحاب
وافرح أوى لما يدق الباب
وتلاقى حد بيحضنك
لوجه الله
ياه
فاكره ياما لما كنتى
تعملى البصاره
وتدى منها لأبله سارة
يرجع [...]
نفسي أوي
ف قصة غرام
لحظة هدوء
تحميني من حزني
ومن مر الكلام
ماعدش ينفع
أبقي ريشة في الهوا
ولا عدش ينفع
تبقي عيشة والسلام
نفسي أوي
لحظة هدوء
قصة غرام
من غير عقد
من غير غرور
من غير عساكر المرور
من غير شروط
من غير طريق
ساكت جبان
مستني إذن عشان يفوت
من غير نمر فوق البيوت
نفسي أوي..
أرجع لروحي تضمني
وأحبها وتحبني
ما هو برضه قلبي
وأمر قلبي يهمني
نفسي أوي..
ف قصة غرام
أحدث التعليقات