يعيش أوباما وأمريكا
كلامكو نهاوند وسيكا
مسحتو بلاد بأستيكا
واللى ف طريقكوا يا ويكا
يكون نصيبه التلكيكا
يبقى هيجى يوريكا
فين اللى كانت عراقيكا
صبحت يا عينى خرابيكا
بلادكوا هى البولوتيكا
وادينى هنا مستنيكا
يا إما هو اللى حاميكا
يا إما يجى ويديكا
يعيش أوباما وأمريكا
عايزين سياسة حيادية
وتملوا الدنيا حرية
ساعتها هقولك وحديكا
تعيش يا أوباما
وتعيش أمريكا
هى وزارة إيه بالظبط
مرة تشيل ساته وتنحط
ومرة المنهج ده بيتمط
مرة الكورة ومرة البط
شخابيط شخبط واتنطط
مش عاوزين شقالبظاط
أما العربى ولا الخط
دمفيش واحد متظبط
قولولنا حاجه وتطلع ظبط
امتحانتكوا سلق وحط
صواميل عقلى أتلخبط
هى وزراة إيه بالظبط
علمتلونا عيالنا الظلط
من غير فهم من غير شط
التعليم دا رساله نبيله
بس أفهموا جتكوا النيله
عاوزين أجيال تبقى نبيله
فاهمه سياسه وفهمه الدين
من غير سب ومن غير [...]
ياللى رضيت بالقليل
والكل باصص لك
راضى بأقل القليل
إيه اللى حاصلك
حتى اللى قلبه عليل
عاوز دواه منك
****
ياللى رضيت بالقليل
يرضا الرضا منك
سامع غنى ومواويل
ولا حد سامع لك
كتر القسى والويل
هو اللى راضين لك
****
ياللى رضيت بالقليل
راضى الرحيم منك
زيك مفيش مستحيل
ربى هيغفرلك ..
أحدث التعليقات